تصريحات نارية اطلقها الرئيس الغامبى يحيى جامع بقطع رؤوس الشواذ جنسيا(وقال ان غامبيا بلد مؤمنين وان الاخطاء والافال الخطء غير مسموح بها فى بلدة) بس ومن هنا الدنيا قامت وما قعدت جمعيات الشوذ جنسيا وتبعتة بسرعة منظمات حقوق اوربية وواجهت الرئيس وبدئت التحديات واطلقت علية كل التهديات
باقتصاد البلد ونها حتسحب مساعددة وانو حكون سياح مافيش ..
ومن هنا الجمعيات الدينية قامت هية كمان بين مؤيد وبين انو بدل القطع والكلام دة اسجنوهم فقط لكن مش عاوزين دم
وكل دة والرئيس ما صدق ولع النار من هنا والف واحد وواحد اكلم من هنا منغير ما يحترمو الواقف الشعلل النيران دة ....
طب انا دلوقتى عاوز اعرف ردكم اية على الكلام دة حتى بعد كدة نصل لحل ليها ونشوف ايهما على حق الرئيس الغامبى ولا اهل العلم ولا المنظمات المؤيدة ....
هناك 17 تعليقًا:
wooowad
كان تكلمنا انك افتتحت محطتك اخيرا
يشرفني أكون أول معلق
أنا بكره الشواذ جنسيا وبتمنى يعدموهم فعلا... ياخي هو الزاني الطبيعي دة حدو رجم حتى الموت فما بالك بزاني وشاذ عن الفطرة.. قمة القرف... لو في طريقة حقو يعدموهم مرتين... وبالنسبة للجمعيات العملوها الشواذ ديل فحقو زول يكلمم ان احنا مسلمين وعندنا دين والبخالف ديننا بياخد جزاءو... يعني المسألة ما فالتة وكل من هب ودب يعمل جمعية ويعلي صوتو وتقوي شوكتو
انا بشكرك يا اخت ايمان لكن احنا لو تكلمنا من نحية العقل نقول انو الشاذ امكن اكون رافض فكرة انو شاذ وضميرو كل مرة بانبو لكن لو جينا من نحية الطبع حنلاقى الطبع غلاب وحاجة مافى يدو لية نحكم على الناس بالرجم والقرف زى ما حضرتك قولتى لية ما نديهم حريتم وبعديها همة اقررو هل راضين او لاء لية كل الدول بتدى الحرية للصحفين للناس للتجار مع الالتزام القليل ولكن لو راجعنا نفسنا بنلاقى اى زول ملتزم عندو مليون مخالفة يعنى بالعربى بوشين دة الزول العادى ماب الك بقى الزول العلنى وساعت ما قال انا شاذ الدنيا قامت وما قعدت
شكرا ليكى
wooowad
اول حاجة رمضان كريم
تانيا الشاذ انسان ما عندو عذر
حتى الشذوذ شالوه من قائمة الامراض النفسية
يعني الشاذ شاذ باختيارو مش لاعاقة نفسية
بيقولو الشاذ في الاصل نتج عن طفولة غير سوية واعتداءات وتحرشات والخ الخ الخ
بس برضو ماعذر
يعني نجي للحرامي نقول ما تطبقو عليه حد اليد لانو اتربى في بيئة فقيرة وابوه كان حرامي وكل اصحابو نشالين والخ
لا طبعا
الانسان محاسب من بلوغو
ومحاسب أكتر لحظة يبلغ سن الرشد
يعني هو في اللحظة دي بيدو يميز بين الصح والغلط
وكمان أقوليك حاجة
الواحد ما يسلم نفسو للشيطان ويجي يقول ربنا خلقني بميول غير طبيعية
لا انت ميولك طبيعية بس حب التجربة دي زرعة شيطانية
كلنا بتمر على بالنا
جرب الخمرة
جرب شوف فليم سكس
جرب البس قصير
لكن الحمدلله الواحد بيقاوم وبيلجأ لربنا
صح؟؟
مبروك يا Wooowad المدونة
ورمضان كريم ...
بالنسبة لموضوع الشذوذ فطبعا غامبيا تصرفها تصرف من ناحية الفطرة السليمة .
بس نحن كمسلمين والحمدلله عندنا حكم واضح في الموضوع ده :
لنبي صلى الله عليه وسلم قال: (من وجدتموه يعمل عمل قوم لوط فاقتلوا الفاعل والمفعول به) وهو حديث صحيح صريح في عقوبة مرتكب هذه الجريمة. ويشترط في المفعول به أن يكون قد ارتكب معه ذلك الفعل وهو طائع.
وصدق الوليد بن عبد الملك حيث يقول إنه لولا أن الله تعالى ذكر قصة قوم لوط في كتابه العزيز لما تخيلت أن رجلاً يأتي رجلاً.
أنا ماشايف إنو العقوبة دي فيها أي ظلم للفاعل أو إجحاف .
وحتي لو الشاذ إفترضنا إنو عاوز يتغير فماعندو عذر لأنو في مراكز متخصصة بالعلاج .
للأسف الظاهرة دي بقت تزيد في السودان وطبعا الخليج أصلا كتيره فيهو ..
أما الغرب فأغلب الدول متجهة للإعتراف بيهم ..
حمانا الله وإياكم .
اولا الله اكرم تانيا احب ارد على كلامك يا استاذة ايمان انتى دلوقتى بتنتقدى الشواذ والحرامية وال وال وال على حسب كلامك الخ طيب انتو بتحاسبو ديل لية متحاسبو الاصل حاسبو العملو كدة ولا عاجبكم البحصل فى الشارع من استهتار وشباب صعاليك وما عارفين معنى الصح والغلط والممكن افسدو الشباب الاصغر منهم بافعالم وبعا ماممكن نادب البلد كلها لئنو دة بايد دة ودة بسمع كلام دة ما حتجى لحدى ناس بعا مختلف وفى حالهم واختارو سكة بتميزم من غيرم وبعيدين من اى مشاكل ونسيب الاصل لية انتو بعجبكم واحد ركب مواصلات وبدة اعاكس دى واشاغل فى دى واقرص فى دى انا اسف للكلمة دى لكن انا برمى لمثل عشان كلامى اصل بمعنى واضح لية بعجبكم الشخص الفتك الذكى العامل فيها ود ناس وارمى بكلامو المعسول لدى ولدى لية المجتمع ما يقولية عيب واحترم نفسك المصيبة الكبيرة وين دى ولا انو اكون شاذ وفى حالو لا بسال زول ولا زول بسالو ولا الجايب الكلام والفضيحة علنى لئهلو ساعت ما نكلم نكلم بعقل وما نرمى ربنا ورانا
اما الاستاذ اسرة التحرير الله اكرم انتة كمان وردى عليك ما حفوت كتير الرد الانا قلتو للئستاذة ايمان بس فى اضافة بسيطة كدة عاوز انبة ليك انتة حسى بقول الرسول (ص) قال اقتلوة حلو جدا ونا ما معترض لو فيها قتل القتل الحقيقى يا استاذ يكون للبمارسو الزنا علنى علي عينك يا تاجر ولا عاملين خشة لزول ولا ادب لكبير ولا صغير وساعت ما يسالوم انادو ابهاتم الكبار البعرفو اطلعوهم كيف وويوصلوهم لحدى بيتم معززين مكرمين ولا حتة خدشة فيهم الرسول مش قال اضربوهم ثمانين جلدة لكل منهم دة مش كلام ربنا والرسول برضو اشمعنى يعنى احديت على ديل وسبتة ديل حتقولية انا ما سبتة ديل دى حاجة ودى حاجة لا بالعكس الاتين سوة طول محنا دخلنا فى مجال واحد ابقى الاتينن واحدة مش مختلفة ابقى اكون فى شنو فى حاجة اسمها عدل وشكرا
بالنسبة لأنو أصولم كدة أنا قلت ليك دي ماحاجة
لأنو الإنسان البالغ العاقل المكلف مسؤول عن تصرفاتو
وطالما احنا في زمن الاعلام فيه بكل انواعو واصل للناس يبقى مافي عذر
الحرامي ما يسرق ويجي يقول اهلي ما ربوني
لو شافع يودوه الاصلاحية عشان يبعدوه من اهلو الماربوه
ولو ما شافع اذا هو مسؤول من تصرفاتو
وخلاص وصل مرحلةنضج عقلي وفكري وبعرف يميز بين الصح والغلط
بعرف يميز بين الحلال والحرام
دة الحرامي
ومتين انا قلت ان البقرص البنات في المواصلات انسان كويس
دة برضو انسان وسخ وتافه
لو يوم مر علي واحد بالشكل دة بتف عليه وبمشي
ومنو قاليك انو الانسان دة المجتمع ما بحاسبو
خلي واحدة في المواصلات تقول الحقوني الولد دة قرصني
والله رجال الحافلة ياكلوهو حي
ونرجع لموضوعنا الانت ما عارف تدافع عنو لانو ما عندك حجة
الشاذ انسان مخالف للفطرة وللدين
والنصوص في عقابو واااااضحة
يعني نجاملو ونقول ياخوانا خلوهو على راحتو
خلو الداير يزني يزني والداير يمارس اللواط يمارس والداير يسكر يسكر مادام هم مساكين وفي حالم
طيب انت شكلك مقتنع ان الشذوذ شي طبيعي؟؟
بكل انواعو؟؟
يعني عادي الواحد يضاجع حيوان؟؟؟
او يضاجع اختو؟؟
او يضاجع اطفال؟؟
ولا بس انتو عاوزين تحللو نوع واحد هس ولي قدام الجيل البعدكم يسعى للنوع التاني لحدي ما يبقى العالم فالت ونقول للاسلام عليه العوض ومنو العوض؟؟؟
وسؤال أخير
انت ليه منفعل؟؟
هل انت شاذ؟؟؟
اولا مين قال انو انا منفعل بالعكس انا بتناقش معاكى بكل هدوء بس اسلوبك فى الحوار عاجبنى جدا وفرصة لقيت زول اجادل معاة فى الراى تانى حاجة يا استاذة فى فرق بين انو انا شاذ وبين انو بدافع عن حقوقم حسى الحرامى ولا البرئى مش بجيب محامى لية ما بقول والله ما بدافع على حرامى كدة كدة حطلعو برائة لئنو دى مهمتو ومهنتو فى الاخير .... وما اعتقد انو عيب ادافع عن ناس مضهضين من المجتمع بسبب حاجة ما ليهم زنب فيها مافى زول بختار طبيعتو حسى انتى نقول طبعك بتتنرفزى بسرعة وما صبورة على النقاش لية حتقولى يا جماعة انا طبعى كدة طوالى الناس الحضايق منك والحيعزرك وال وال وال الحكاية مش انو انا ما ماعندى حجة عشان ادافع عن الجماعة ديل زى ما بقولى بالعكس انا كان فتحتة موضوع بالشكل دة انا متاكد حطلع منو كسبان مليون فى المية لكن الرك فى الاول والاخير على العندو ثقافة من كل النواحى وماعايش فى زمن التخلف والاضهاد انتو لسة ما تعلمتو من الدول البرة كيف بستقبلو الموضوع بكل بساطة وبتناقشو فية بكل هدوء ما تعلمتو لسة يعنى شنو انسان اكون ميولو الجنسى مختلف من التانين لية نسية مريض انا مع كلامك انا بحتج انو نسمية مريض نفسى مش لئنو فى الطب ما بعترفو بية زى كلامك بالعكس لئنو زى منا طبعى وميولى طبيعى وبعيش حياتى زى زى اى انسان عادى نفس الحكاية الزول دة طبعو وميولو عادى جدا جدا وما بختلف عننا فى حاجة عشان يعنى اتجة لتصنيف تانى من حقو ايوة من حقو زى ما من حقق تختارى شريك حياتك وتقولى دة لا ودة ايوة من حقو هوة كمان اختار البرتاح معاة فى الحالة دى لا هوة خسران ولا انتى خسرانى طول ما كل واحد اختار الجنب البتريحو ابقى فى الحالة دى تكون فى مساواة ولو حكم الامر كل واحد اكون فى حالو وبلبلدى كدة( خشمى ونا سيدو) سوال اخير
لية انتى منحيزة مع البنات كدة انو الرجال ما يقبلو على غيرم
انتى فيكى حاجة؟؟؟
شوف ياWooowad
الناس عشان تتناقش في أي حاجة لازم تكون عارفة خلفيات بعض .. بس عشان يكون نقاش موضوعي ,,, وماتكون زي الطرش كلو زول بكورك وقايل التاني سامعو
أنا وأظن إيمان كمان كنا طرحنا رأينا علي أساس نحن -- كمسلمين وسودانيين .
ودي حاجة بتختلف تماما عن رأي وتعامل ناس
" الدول البره" ومجتمعات "زي ماإنت شايف وبتعتقد" ماعايشين في زمن إضهاد زينا وبنظرو للموضوع من جهة خقوق ومساواة وكلو زول براحتو وكده
أنا شخصيا زول مسلم ,,, مابخصني كتير ناسك البره ديل عملو شنو ولا إتحرروا لأيو درجة وصدقني كان باريتم كده بودوك حتت أصعب من كده كتير
مابهموني لأنهم ماقدوتي ...
ممكن أتعامل معاهم وأستفيد منهم لكن في النهاية أنا عندي دين وتقاليدوأعراف الحمدلله مامحتاج .... أستورد
وتاني حاجة :
تحيز إيمان دي الفطرة ,,, وأي حاجة تانيةغير كده هي الماطبيعية ..
فإستفهامك في غير محلو ..
ولا رأيك شنو ؟
أنا قلت منفعل لانك المرة الاولى قلت الاخت ايمان
والرد التاني قلت استاذة ايمان
بقى في شوية تحسس يعني
اها نرجع لموضوعنا
قلت لي المحامي البدافع عن حرامي
اي المحامي البدافع عن حرامي وهو مقتنع انو حرامي يبقى حرامي زيو
صح؟؟؟
واي محامي عندو اخلاق ومبادئ ما بدافع عن مجرم
اما لو انا بتنرفز زي ما قلت لااااااازم اغير طبعي
وممكن اغيرو لانو ما حاجة صعبة
ياخي الاسود بيروضوها بتبقى وديعة خلي البني ادمين
والناس مامجبورين يتحملو نرفزتي
وبرضو ماممكن تقيس تهمة الشذوذ بالنرفزة
ماتبالغ يعني
بعدين منو القاليك حتطلع كسبان مليون في المية
خليك عارف انك خسران خسارة مابتتوصف
واي زول بيبيح الشذوذ ولا بيساعد في اباحتو انسان خسران دنيا واخرة
وماتقول لي انفتاح ولا تحضر
يازول احنا ناس مسلمين
خليهم ناس برة ينفتحو زي ما ينفتحو
ان شاء الله انفتاحم ينفعم
احنا في النهاية شريعتنا القرآن والسنة المحمدية
وخليك عارف
ايوة الانسان بيغلط وبيتكاسل عن الطاعة وبيسلم امرو للشهوات مرات بس المهم انو يكون الايمان موجود في قلبو
ان يكون عارف ان عمل حاجة غلط
وانو يكون ندمان
وانو يقرر ان لازم يبطل الغلط
بس الانسان البيعاكس التشريع الاسلامي
وبيحاول يحلل الحرام او يحرم الحلال
انت عارف بيبقى شنو
ولمعلوماتك
انا متزوجة
وبحب زوجي اكتر من روحي
وكمااااااااان
زوجي راجل وسيد الرجال
ونقطة اخيرة
كلامك ماكلام زول ذكي
معليش يعني
انت بتدافع عن حاجة غلط
ولو ما كنت عارف انها غلط ما كنت انكرتها عن نفسك
بس واضح انك متمني يجي يوم يبقى الشاذ انسان طبيعي في نظر المجتمع
عشان تقول ميولك الحقيقية
بتمنى ليك ربنا يهديك ويغفر ليك ذنوبك
محمد
عاين فسرا كيف
قال انا عشان ما عاوزة الرجال يقبلو على بعض يبقى منحازة للبنات يبقى انا فيني إن!!!!!
بالعكس يا أخي
انا لو فيني حاجة
كنت بفرح انو الرجال قبلو على بعض
عشان يخلى لينا الجو
مش قلت ليك ما عندك حجة!!!!!!
وزيادة خير
البيعمل حاجة غلط مهما كان سوءها بيشيل ذنبو براه
وأظن الشذوذ ذنب عظيم يعني
بس الأعظم منو الدعوة ليه
يعني البيمارس الزنا والشذوذ عديل
أحسن من البيدعو للممارسة
عارف ليه؟؟؟
لانو الشاذ بيشيل في رقبتو ذنبو برااااااااه
اما الناس الزيك البيدعو للموضوع
بيشيلو ذنب اي زول اقتنع بسببم
واي زول اقتنع بسبب الاقتنع بسبب
والخ
الى ابد الابدين
تكون ميت مدفون تحت التراب ويكون في اجيال بتمارس اللواط والسحاق بسبب كلام سطرتو انت
ويكون عدادك شغال بيحسب
وانت ميت ما بتقدر توقف الحاصل
عاوز تشذ اعمل العايزو كل نفس محاسبة بما عملت
بس فلتقل خيرا او لتصمت
اولا انا اصلا كدة بنادى اى واحد يا اخت ويا استاذة يعنى مافى حاجة جواية عشان اتحسس ولا كدة زى كلامك وطول منتى متزوجة زى ما قلتى ابقى راى فيكى اتغير وحناديكى بعد كدة يمدام ...
تانى حاجة انا لو كنتة حرامى زى ما بتقولى لئنى دافعتة عن متهم مطهض ابقى لية الشرف انى امسك الاسم دة ولو رجعتى لورة شوية وراحعتى قانون اليونسيف وحقوق الانسان حتعرفى يا مدام انو بساعد على حقق الناس ديل وانو يكون ليهم وضعهم ابقى انا لو محامى وبدافع عن الناس ديل وحرامى زيهم ابقى الحطو القوانين ديل برضو حرامية وما تقوليلية انو الحطو القوانين ديل اجانب وما مسلمين وماعارف شنو لو مشيتى لحدى عندهم هنا فى الخرطوم حتلاقيهم السودانين اكتر من الاجانب وبدة كلو عارفين وماشين بقوانين المنظمة لية ما قالو والله دى منظمة اجنبية وحنا مالينا دخل فى قوانينم لازم نفرط اى عقوبة مهما كانت هية شنو ضد اى واحد اخالف القيم والاخلاق تالت حاجة
وين هية الشريعة والاخلاق الانتى بتكلمى عليهم ديل ورينى واحد بس كان جوة كمان برة ماشى على المنهج الشريعى والاخلاقى كان علية انا ما شوفتة واحد فيهم عامل بيها ما بعرف انتى شوفتى ولا لاء لكن قبل ما تغشى على روحك وتقولى اى فى وتعاندى وتجادلى فى موضوع منتهى من نحية الفكر ووجودو حقيقى لاخلاف ولا راى تانى فى تثبيتو انزلى وشوفى اعملى معاهم استطلاع لية همة كدة اية الوصلم لكدة فى شنو لكدة مش جايز المجتمع ظالمم ونتى تانيتم انتى اليلة واعية ومثقفة اتناقشى لية فى شنو وبعد ما تخلصى وضربى اخماس فى اسداس وتصلى لنتيجة حاسبى روحك قبل ما تديهم الرد
رابع حاجة ودى الاخيرة منو القال انا ذكى بالعكس انا انسان عادى جدا وما بدعى الذكاء ولو انا غلطان يمدام بعترف بكل ادب وزوق وبقول والله يجماعة انا غلطان وما قدام الشخص الغلطة فية بالعكس قدام الناس الانا غلطة قدامم
وللمرة الاخيرة احب اقوليكى فى فرق بين انى شاذ زى ما بتقولى وربنا اهدينى وفرق بين انى ادافع عن مجتمع مضهد
وشكرا
اخ محمد اشكرك على كلامك دة وفعلا كلامك فية نوع من الصح انا معاك فية لكن لو لاحظنا بانو بعض كلام الناس ديل فية جزء من الصح اى نعم عادتم ما زينا وتقاليدم ما زينا لكن لازم نرضى بامر الواقع احنا فعلا عندنا ناس شواذ ودى حقيقة لامفر منها كان شئنا كان ابينا وعشان كدة لازم اكون عندهم مكانة هنا وحقوق وحرية كمان انا ما بقول حرية بمعنى حرية انهم مثلا امشو فى الشارع ملط سورى للفظ لكن اكون فى ادب فى اخلاق والحاجات الفيهم دى بتاعتم همة طول ما انهم ما بقربو نحية زول بالكراة ابقى مافى اى مشكلة خالص للمجتمع التانى ومافى زول بعمل حاجة هوة ما مقتنع بيها وماعاوزة وكلامى دة برضو لمدام ايمان
وكشرا
اهلا wooowad
رمضان كريم واعاده الله على الجميع باليمن والبركات
الف ميروك يارجل على البلوج الجديد وكل التوفيق
بصراحه انا مافاهم الضرر من المثليين جنسيا والذي عليه يستحقوا القتل
بعيد عنك وعن السامعين تخلف ومحتاجين رفرش عشان ارجعو لصوابم
عزيزي ..كل عام وانت بخي واتمنى لك عيدا سعيدا انت وكل اصدقائنا ..واتمنى ان يكون عيدا تجد فيه راحة البال
عزيزى سامر شكرا ليك على زيارتك مدونتى وكل سنة ونتة طيب والسنة الجاية اسمع عنك انك اكبر كاتب فى عالم المدونات والبحث عن الحقوق والحرية اما عن راحة البال تجى منين راحة البال وناس بتعمدو انو احطموها
شكرا ليك مرة تانية وتمنى ليك التوفيق
إرسال تعليق